Audiopërgjimi për “21 janarin”, Berisha: Manipulim i Ardi Veliut. Rama organizator i asaj tentative për grusht shteti, i bëj thirrje që…
Kreu i Partisë Demokratike, Sali Berisha i pyetur për audiopërgjimin e publikuar për fundmi për “21 janarin”, u shpreh se ky është një manipulim i Ardi Veliut.
Ai tha se Edi Rama është organizator i “21 janarit”, duke e quajtur një tentativë për grusht shteti.
“Është një manipulim dhe falsifikim, njëlloj si shiriti i 21 janarit ku u tha se Sali Berisha ishte i implikuar në problemin e hidrocentralit. Është gjithçka krijesë e Ardi Veliut. Theksoj se 21 janari përbën një nga ngjarjet ë tragjike, përpjekjen për një grusht shteti nga ata të cilët i kam denoncuar me kohë. Qeveria e SHBA ka insistuar në atë periudhë që të hetohen organizatorët dhe autorët e dhunës.
Rama është personi kryesor, organizator i dhunës. Rama nuk gjeti kurrë kurajo të paraqitej në prokurori ndonëse u thirr për të dëshmuar. Ramën do ta ndjekë gjithë jetën përgjegjësia penale e organizmit të asaj dhune.
Është i faktuar si organizator. Pjesa e gardistëve është hetuar nga një kundërshtare e egër e Berishës. Është hetuar me një prani të rëndësishme ndërkombëtare, dhe janë dhënë dënimet e njohura deri tani, por meqënëse shërbehet me krijime të Ardi Veliut, i them lëri ato, hajde hiq imunitetin dhe shko dëshmo për organizmin e puçit. I solli si mish për top”, tha Berisha.
Artikuj të tjerë:
Flash News
02:00 / Japonia forcon sanksionet ndaj Rusisë pas sulmeve
01:36 / Helena Kadare: Ardhja në Shqipëri na e ka zbukuruar jetën
01:35 / Helena Kadare: Marrëdhënia jonë, ndryshe nga raporti burrë-grua
01:34 / Helena Kadare: Sot ka qenë një ditë me shumë urime
01:33 / Helena Kadare mesazh për 87-vjetorin e Ismail Kadaresë
01:32 / Alda Bardhyli: Letërsia e Kadaresë ka brenda modernizmin
News24 Livestream
